着數有時唔使刻意搵,自然會埋嚟,好似阿特蘭大中場馬迪奧比辛拿,喺球會上個月開操首日,因為孭住有成人網站PornHub標誌嘅布袋嚟訓練場,立即成焦點,而且布袋上仲印咗幾位三級女星嘅簽名,包括今年曾經入場撐韋斯咸嘅Mia Khalifa。大家都好奇怪點解比辛拿會有呢個袋,佢當時冇解釋,不過因為佢間接幫咗呢個鹹網宣傳,所以佢之後收到呢個成人網寄畀佢嘅禮物,包括T恤、Cap帽同背囊等,佢本人都有喺ig多謝個網站。