張家輝、吳鎮宇和古天樂前晚在九展出席《使徒行者2：諜影行動》首映，劉偉強、馬德鐘、王君馨和蔡潔等都有出席。戲中有大量動作戲，張家輝表示不算辛苦，但古仔自爆拍攝時右手因撳落玻璃碎，血流如注要縫三針，吳鎮宇笑說：「我嗰次拍文戲，鋸扒鋸到手指尾都縫兩針，我喺元朗拍，但我都要出返瑪嘉烈醫院，梗係唔放心喺元朗嗰度，我坐直升機返嚟！」謝安琪表示演唱會請古仔做嘉賓，搞到朋友爭相買當晚門票，不過古仔表示仍未落實。
有份演出的張寶兒和男友袁偉豪現身，首次拍電影便到西班牙拍攝，問有否順道參觀當地結婚場地？袁偉豪說：「結婚未必揀嗰度，度蜜月就OK。」馬德鐘指因導演不想劇情外洩，拍攝時沒有完整劇本，他笑說：「所以我拍到最後一場戲，仍問導演我係好人定壞人。」
採訪：黃曉妍
攝影：沈健程
