【馮仁昭四圍超】許廷鏗怕唱功差過胡鴻鈞

【馮仁昭四圍超】許廷鏗怕唱功差過胡鴻鈞

許廷鏗噚日到商台宣傳新歌《我們與愛的距離》,前晚佢喺網上開live宣傳,歡迎大家翻唱佢嘅新歌,仲準備咗禮物送畀唱得好嘅朋友。佢又邀請好友胡鴻鈞齊齊上線:「佢都即場唱咗幾句我首新歌,我叫佢唔好唱太多,怕佢唱得好聽過我。」又透露胡鴻鈞已造好新歌。

許廷鏗笑謂𠵱家做歌手好忙,因為要喺唔同網上平台開live宣傳,但希望能夠同樂迷溝通,提供情緒抒發渠道。
撰文:馮仁昭