任達華的太太琦琦昨晚出席在尖沙嘴舉行的美容活動，重提上月中華哥在中山出席活動時遇襲，被狂徒用利刀刺傷腹部及右手，右手四隻手指神經線遭割傷，緊急在兩地醫院先後做兩次手術，幸好手術順利，康復理想。出事後一直陪伴在老公身邊的琦琦，事隔半個月仍然激動，原來她在事發後，直到報道出街，仍未知情。她說：「其實我係最後一個知，因為出事後，佢叫英皇唔好同我講，驚我擔心，我當時係準備由北京飛去上海，喺度執行李，幫個電話叉電時，見到微博有人寫話華哥受傷，我即刻好緊張，打畀老公冇人聽，打畀佢身邊所有人都冇人聽，我嚇到心跳加速，係人生最難過嘅時刻。」
飛機上感痛苦
英皇老闆楊受成堅持要盡快通知琦琦，因華哥做手術要家人同意及簽紙，她即時和老公視像通話，囡囡Ella更擔心到喊。琦琦從北京改飛返港，她說：「喺飛機上嗰五個鐘頭真係好痛苦、好漫長，因為我上飛機時，佢已經打咗麻醉，我同唔到佢講電話，阿女上機時攬住我，叫我唔好擔心，大家喺機上一齊祈禱，好彩阿女喺我身邊，因為我真係好無助。」兩母女落機後買不到花，將囡囡心愛的熊仔放在ICU陪伴華哥。
現時一家人的海外工作及旅行計劃，全部暫停，全家照顧華哥。琦琦說：「佢好啲喇，康復中，仲要唞一段時間先可以復工。」她指華哥每日在家跟物理治療師做復康，煲片、和狗仔玩打發時間，而一向「無飯主婦」的琦琦，為照顧華哥就上網學煮花膠，她說：「對老公身體好啲，希望佢康復得好啲。我同Ella爭住煮飯畀佢食，Ella有時煮早餐。」老公有皇帝式享受？琦琦說：「唔係，但係五星級服務。」
林愷鈴多嘗試
同場的龔慈恩女兒林愷鈴、談善言及蘇皓兒等齊齊以rock look示人。林愷鈴覺得鄭秀文最有型，問到媽咪可會禁止她作性感打扮？林愷鈴說：「其實我媽咪好開放，覺得我要多啲嘗試，唔同年紀就試唔同嘢。」
採訪：黃曉妍
攝影：沈健程
更多精采時尚內容，盡在 http://add.appledaily.com。