【本報訊】特首林鄭月娥8.5早上執住近日遊行人士的一句口號：「光復香港，時代革命」來做文章，表示「呢啲行為已經遠遠超越原來的政治訴求，挑戰國家主權」。國務院港澳辦發言人昨日再就此口號追擊，認為這是衝着一國兩制中的「一國」根本而來，「想光復甚麽，光復到哪裏去？」
網民：唔同人有唔同理解
連登網民昨召開的記者會上，曾小姐（化名）解釋：「呢個口號本身就應該喺2016年嘅時候，梁天琦攞出來去提倡，但係𠵱家始終係2019年，事隔咗一段時間，到底遊行人士所提出嘅呢個口號背後，係唔係同當初梁天琦嘅理念一樣呢？唔同人係對呢個口號係有唔同理解。」
梁天琦三年前角逐立法會新界東補選，時任選舉經理人何蔓兒在fb稱，梁最初以「知行合一，世代革新」為選舉口號，但後來覺得口號「唔夠搶耳」，就借用2015年屯門、上水等光復行動的口號，放大到「光復香港」，提醒選民其所屬政黨本土民主前線是在街頭抗爭爭取香港人應有權利的抗爭者。
至於「革命」一詞，何解釋，二字切合本民前的政治理念，「最後天琦思前想後，覺得革新同改變唔係取決於人嘅年齡，而係取決於人嘅思想有冇追上時代嘅步伐，所以決定以『光復香港，時代革命』作為選舉口號」。
立法會議員毛孟靜指，「光復香港」就是反暴反黑，「暴」字包括香港的制度暴力。「時代革命」就是爭取香港真真正正的高度自治，「（中央）就咁一棍打落嚟，你哋全部都係壞分子，全部都係充着一國而來，咁樣落去，就真係將香港推向深淵」。
■記者李思潁