【本報訊】8.5三罷早上，特首林鄭月娥形容有人把香港推向十分危險的境況，她沒說明哪人是誰。同日下午，十分危險的境況出現了，七區集會演變成遊行示威，警方大舉鎮壓。一日之內警方動用800枚催淚彈、140發橡膠子彈，拘捕148人，最年輕僅13歲。
警方昨在例行記者會公佈8.5各區行動統計數字，拘捕了148人（13至63歲），令反送中示威浪潮被補人數增至568人；單日發射了800枚催淚彈、140發橡膠子彈和20發海綿彈；自6月9日以來，警方共發放約1,800枚催淚彈。
民居開槍 稱逼不得已
警察公共關係科高級警司江永祥這樣解釋密集發射催淚彈的理據：「我哋正正係睇到嗰啲暴力事件嘅升溫，同埋暴力事件嘅頻密程度……我諗淨係噚日（前日）一日，有一啲暴力嘅示威者包圍警署喇、堵路喇，同埋掟汽油彈嘅數目都唔細。」
過去多日，被催淚彈無辜傷害的人包括樓上的居民、老人院的長者、採訪中的記者，和示威者已撤走後仍被警方驅趕的街坊。江辯稱，「我哋絕對唔係好希望喺一啲民居附近去使用催淚煙，但係當一啲嘅暴力示威者主動選擇去到嗰個區份去搞事，我哋警察亦都係別無他選，於是我哋逼不得已喺民居度使用催淚彈」。
公民黨油尖旺區議員余德寶不接受警方解釋，指警方擁有不少武器，可選擇適合武器驅散示威者，而且有能力驅趕示威者，「噚晚（前晚）已經釋放數以百計催淚彈，而釋放嘅地點大多係有民居喺附近，但警方施放催淚彈前，並冇預先通知附近持份者同民居關好窗口」。
黃大仙區議員郭秀英亦指，前晚在黃大仙衝突現場，警方無差別施放催淚彈，有催淚彈射入附近屋苑範圍內，危及居民，「其實現場好多都係街坊，並非示威者，但警方唔理，防暴警已失去理智，似發洩，令人心寒」。
對付示威者快速鎮壓，面對黑社會恐怖襲擊卻快速離開現場，警方的選擇性執法成為昨日記者會的主題之一。有記者提問，為何發動7.21元朗恐襲事件中，傷及無辜市民的白衣人至今未有被落案起訴，江永祥僅重複前日已交代的數字，表示已拘捕23人涉嫌參與非法集結。
香港電台記者利君雅追問：「點解當初唔即時拘捕，要慢慢做？同你近日嘅拘捕行動好大分別喎，可唔可以解釋吓？」又有記者問：「噚日各區都出動到咁多警力，點解嗰日會真空咗成40分鐘？」
警察公共關係科總警司謝振中接力回應說：「當日我哋其實11分鐘就有兩位同事去到元朗西鐵站……」利君雅隨即反駁：「但係做唔到嘢、保障唔到市民安全吖嘛，你咁都計呀？」謝則再重複答案指，兩名警員經評估現場環境後決定離開等候支援。
就警方行動期間針對記者的種種不合理行為，記者會開始前，多名記者以筆敲頭盔及枱面，由記者協會執委林彥邦向出席記招的總警司宣讀聲明：「喺過去嘅幾個禮拜，前線記者履行職務期間，俾警方用燈照眼同埋鏡頭，用盾撞、用粗口侮辱，甚至肆意拘捕。我哋強烈譴責警方濫用武力，阻礙記者採訪，我哋要求警方嚴守專業精神，維護新聞，尊重記者嘅採訪權利。」
■記者梁銘恩、謝明明
