香港初創「獨角獸」（指市值達10億美元）問題頻頻浮現，經營出租旅遊手機Handy的Tink Labs（現改名為hi Inc）最近傳出倒閉，幾乎遣散全數員工。「90後」創辦人郭頌賢（Terence）回覆指，公司並沒有倒閉，但承認因業務重組解僱員工。
前員工：近年使用率急跌
但有英國Tink Labs前員工就指，公司遣散當地79名員工後欠薪，「公司合約訂咗每個月最後一個星期五出糧，即係7月26日，但嗰日大家都收唔到錢，之後Terence就話要改到31日先計到遣散費，結果到31日都係冇。」前員工續指，7月31日公司的人事部總監與全體員工開會，總監表明：「公司無錢出糧，除非拎得番供應商錢。」有指部份員工獲邀到新公司上班，但之後又指所有員工都不獲續聘。他與其他員工正打算向國家保險申請賠償，「但相信點都出唔足」。
郭頌賢父親為前高盛銀行家郭德勝，一直被指有「父幹」。他在早前的報道中提及，因一次外遊為他帶來昂貴數據漫遊「震撼賬單」，故想出於酒店放置出租智能手機。但有前員工反擊指：「好似香港人旅行咁，唔係買sim卡就係租Wi-Fi蛋，邊有人會拎酒店部電話出街？」他以香港區為例，電話使用率由兩年前約50%急跌至今年初約25%，「使用率仲要係客人拎起電話揀language就計。」
前員工更稱，Tink Labs開始時欲以免費提供電話予酒店「谷靚條數」，但近年公司打算收費，「好多酒店一聽到要錢就唔用，公司要留舊客，唯有用好平價錢半賣半送。」
Tink Labs迄今已籌得超過1.7億美元，金主包括郭台銘旗下富智康（2038）、創新工場李開復及美圖（1357）董事長蔡文勝等。翻查富智康2018年報，公司投資Mango International（Tink Labs母公司），兩年錄得虧損共1.95億美元（約15.26億港元）。
有前員工指，由7月解僱事件至今，郭頌賢及其「左右手」、聯合創辦人兼科技總監袁沛致（Phil）一直未曾在公司出現。《蘋果》曾以WhatsApp聯絡袁沛致，但得悉記者身份後沒有回應。