東華三院前主席王賢誌昨日現身中環，賀nowTV前主持袁學謙投資的茶舖新店開張。王賢誌前日在網上發表「民主論」，隨即被網民重提他卸任前爆出的東華三院李東海小學有女教師跳樓慘劇，王賢誌昨日出席活動前回覆《蘋果》，表示連月來他有跟進女教師事件，上周已在fb更新情況，由於獨立調查委員並非受薪，他們要於周六、周日假期才可處理。
盼政府接受
王賢誌說：「正正因為東華教師事件，令我覺得政府必須要成立一個獨立調查委員會嘅重要性，搵第三者中立嘅專業人士去釐清事件，畀公眾知道乜嘢情況，我唔支持政府嘅做法同回應方法，亦唔支持阻街同激進暴力。我喺噚日個post最後都有補充，話『我強烈支持成立獨立調查委員會，調查警隊濫用暴力及警方於元朗事件的處理手法』，希望政府肯接受意見，緩和現時咁緊張嘅氣氛。」他表示對網民的留言有一一回應，更強調大家是講道理，呼籲政府需要與前線的警察及示威者多點溝通。他說每個人都有自己的想法及表達意見權利︰「呢個就係香港言論自由嘅可貴。」
慶結婚周年
而昨日活動上，王賢誌心情也未受影響，受訪時更大談上周四為慶祝與丈夫周思聰結婚三周年，特意約了二十多位好友搞驚喜飯局，王賢誌說︰「佢原本以為得我哋兩個食飯，仲問我去邊度食，我就叫佢插定盆花，因為佢近排有學，佢諗住我食飯時會放盆花喺枱，其實係放喺會場，等佢好似有份參與佈置。」
採訪︰魯吉、馬建華
攝影︰陳慧安