天生高大俊朗的苗僑偉，在古裝劇中經常扮演風流倜儻的大俠，當年演楚留香俘虜不少女觀眾。至於時裝劇，三哥則經常演警察，隨便數一數就有《學警雄心》、《學警出更》及《刑警》等。他說：「我唔介意，導演覺得我做差人似就冇所謂，每個古仔嘅差人都唔同性格、唔同背景，劇本畀你係乜樣嘅警察就演乜囉。」雖然接到角色都會拋下一句「又係警察」，但三哥樂此不疲，去年在日本拍了一套戲，是演日本刑警，令他感覺新鮮。
只要劇本適合、角色討好，三哥便樂意接拍，反而沒有刻意揀角色：「當然想試吓唔同角色，但都要睇導演覺得我適唔適合。其實我都有做其他嘅角色，好似早排重播嘅劇集《好心作怪》，個角色都幾得意。」