【本報訊】效力港超聯東方龍獅的梁冠聰和葉鴻輝昨晨先後在社交平台貼文，前者表示應尋找共識，搵方法解決問題，而葉鴻輝指有人推卸責任。另外，身在泰國隨南區集訓的謝德謙亦謂特首林鄭月娥昨在記者會的言論是火上加油。
上周六「旺角再遊行」，部份抗爭者曾堵塞紅隧紅磡出入口後，曾公開受訪的東方中場梁冠聰再次在其社交平台貼文：「每人都有唔同意見，大家都要彼此互相尊重，最重要係搵到共識，搵到最適合（解決）方法，別忘記問題的根源，若然只是不停指出別人的問題，倒不如想想自己有甚麼改善地方，如果你能力較好，要嘗試想想如何幫助別人。」
過去兩個月，一直未有就香港連串事件表態的港隊門將葉鴻輝亦忍不住在其社交平台貼文：「失敗者只會推卸責任，佢哋唔會反思，唔會諗吓個問題確確實實嚟自邊度，唔肯面對自己嘅過失，其實真係好可悲。」
鬧警方冇尊重女性
至於正隨冠忠南區在泰國集訓的前香港足球代表門將謝德謙亦連環發聲，先批評警方執法不尊重女性，再指龜縮多時的林鄭昨晨在記者會的言論是火上加油。
南區昨日起程到泰國進行季前集訓，但部份球員仍相當關注香港目前局勢，而前晚天水圍發生警民對峙，其間有一名少女被警察以涉嫌襲警拘捕，被警方粗暴抬走時，竟遭扯脫裙子和內褲，全城譴責，上季港超聯最佳門將謝德謙更不忿警方對傳媒的回應：「可唔可以搵個正常人出嚟講嘢？對女性基本尊重你哋有冇？對市民基本自由你有冇尊重？對記者提問，你有冇真係用心去答過？你嗰啲唔係回答，最多叫覆述……，你哋係咪要打死人，先可以停手或者打死人先開心？」
在林鄭率領眾高官見傳媒後，謝德謙再在社交平台貼文：「你有冇諗過邊個搞成香港咁樣？龜縮咗咁多日，你畀呢個答案我哋？」其文尾指其回應是火上加油，可想像謝是相當憤怒。
記者︰曾雁平
