夏日求驗客:列斯響頭炮 大將要走佬

夏日求驗客:列斯響頭炮 大將要走佬

年資有番咁上下嘅球迷,都會記得列斯聯(黑衫)呢隊波,但自2004年降班後,一直未能重返英超;上季列斯搵嚟阿根廷「狂人」比爾沙掌帥,本身直升英超在望,但季尾失準跌落第三,結果出戰升班附加賽輸畀打比郡,今季又要由頭嚟過。再次成為升班大熱下,列斯今季英冠首戰就以3:1作客輕取布里斯托城,叫做有個好開始。不過球隊首席射手基馬胡菲就即將轉會安德列治,所以比爾沙贏波後,都話自己「開心唔落」。