【本報訊】法律界再為修例風波上街！立法會議員郭榮鏗和30位法律界選委，決定明天舉行回歸後第六次法律界「黑衣遊行」，力促港府設立獨立調查委員會徹查事件，同時律政司須保持獨立，勿作政治檢控。是次遊行當日下午12時半在終審法院起步，遊行至律政中心後舉行集會，並於2時半結束。郭榮鏗認為，鄭若驊絕對需要問責落台。
促律政司勿政治檢控
今次黑衣遊行由中環終審法院遊行至下亞厘畢道律政中心，要求政府盡快設立獨立調查委員會徹查整個因《逃犯條例》修訂引起的風波，同時要求律政司不應進行政治檢控；今次是法律界兩個月內第二度就送中惡法再上街，當時3,000人由終審法院遊行至政總，今次終點則改在律政司司長鄭若驊辦公室。
發起遊行的郭榮鏗接受查詢時指事已至此，法律界不可再沉默，今次遊行是希望聚焦在鄭若驊身上：「喺《逃犯條例》修訂上，除咗林鄭，佢係應該負上最大政治責任，唔可以畀佢就咁走咗去……我覺得佢絕對需要落台。」郭認為律政司以暴動罪控告抗爭者有政治考慮，「佢（鄭若驊）跟住林鄭支笛去做，咁係完全違反律政司應有嘅獨立性，咁樣係對法治最大嘅破壞」。
至於有否擔心民情轉向？郭榮鏗認為如今連溫和派也覺得政府有問題：「因為溫和嗰啲都覺得佢哋好唔掂。今次矛頭除了指向黑警，我哋唔能夠忘記政治官員應有嘅政治責任，我哋要將矛頭指向律政司司長同其他問責官員。」
■記者姚國雄