反送中衝突不斷，警方多次就事件見傳媒，其中警察公共關係科高級警司余鎧均算係近期曝光率極高嘅一位，原來唔少網民都好留意佢，尤其佢膊頭粒花，無綫前體育記者伍家謙噚日就喺facebook貼文，貼出余高級警司前晚凌晨見記者，同噚日再見記者嘅相片，發現佢一夜之間膊頭多咗粒花，唔知係因阿頭放假acting，定係升得咁快呢？
據八方了解，余高級警司唔係一夜間升職，真係因為佢噚日以「署理總警司」身份出嚟見記者先多咗粒花。不過Madam Yu前晚回應天水圍警署外女仔被捕疑遭扯下內褲，歸咎個女仔被捕時掙扎，仲話因為佢着裙先搞成咁，咁都答得出，相信Madam升總警司真係指日可待。