最近警察鎮壓示威者武力不斷升級，而且連採訪嘅記者都俾差人打、又或用唔同手法阻止記者採訪，因2016年旺角騷亂被判暴動罪成重囚七年嘅盧建民，日前再喺獄中寫信畀本報副社長陳沛敏，今次佢仲有張心意卡送畀記者，多謝佢哋誓死捍衞新聞自由。
願傷者早日康復
盧建民寫畀陳副社封信入面，提到佢喺監獄入面，知道7.21發生元朗恐襲後深感憤怒，點解可以咁樣襲擊手無寸鐵市民？呢個仲係咪佢認識嘅香港？佢又話好彩有記者恪守天職，揭露真相，否則身在赤柱嘅佢，都唔會知警察竟然喺元朗恐襲默許黑社會打人，所以盧建民要向所有捍衞新聞自由嘅記者講多謝，佢仲喺信件尾段寫話拒絕與暴政妥協，拒絕一切干預和要求。
至於佢寫畀記者嘅心意卡，上款係「致蘋果、立場、Now及所有記者」，內容大致同寫畀陳副社封信差唔多，多謝記者恪守報道真相嘅天職，誓死捍衞新聞自由，令暴政不能為所欲為，又祝願記者安全回家，受傷嘅可以早日康復。
李八方