【本報訊】各行各業響應全城罷工，早前44位本地YouTuber宣佈今日放下工作為香港人加油，包括由三位CapTV前成員組成的「金剛Crew」。金剛Crew成員蘇豪表示，YouTuber大部份是自由工作者，「唔使請病假、唔使攞假紙、唔使諗藉口，唔使同老闆交代」，包袱比正常打工仔細，罷工其實是「姿態大於一切」。蘇豪觀察到身邊不少人對罷工與否抱觀望態度，他希望透過響應罷工，「令佢哋（觀眾）都覺得『似乎搞成喎，咁我就參與啦』」。
「未度好已有更荒謬嘅事」
金剛Crew過往逢周五會盡量出片，以搞笑形式表達想講的話題。但蘇豪說自從反送中運動6月9日爆發後，金剛Crew幾乎無法繼續出片，「分咗心，碌多咗新聞、碌Telegram、睇直播，唔覺唔覺就佔據咗你嘅生活」。
蘇豪指事件影響之深和局勢變化之快亦令創作變得困難，「考慮多咗啲人會點諗，『你𠵱家仲搞笑？大家都喊緊喇』，或者『你仲出啲咁慘嘅嘢？大家好似需要歡樂喎』，有時見到警察對記者唔禮貌，想出條片去指出個荒謬，但都未度好，已經有更荒謬嘅事，再過幾日又有更荒謬，我哋本身度好咗出呢條，到呢一刻已經唔係最需要關心」。
蘇豪寄望港人今日除了「要繼續做自己覺得應做的事」，更要保護好自己心靈，「（運動）未必係一個好短暫、8月尾就會結束嘅事，大家要有啲心理準備，可能要持久去做，所以更加要保護好自己嘅身心健康」。
■記者關冠麒