【本報訊】持續兩個月的反送中運動，不少抗爭者受傷或被捕，持急救證書的大學生Jacky與朋友自發組成「遊行急救隊」，在將軍澳遊行隊伍中，為前線示威者急救。
「有急救牌都唔出嚟？」
Jacky表示︰「邊度有事，就去邊度幫手。」Jacky希望大家在不同崗位為香港出一分力，「如果香港人企得出嚟，一定仲有希望嘅，個個都為咗自己未來吖嘛，你一日唔企出嚟，個未來就冇得改變，未來得嗰一次，香港人企出嚟，就得呢一日㗎咋。」
兩年前考獲急救證書的Jacky，6.12當日已連同一群有急救證書的朋友走到最前線，為被警方暴力所傷的示威者急救。隊中成員來自各行各業，約有七至十人，Jacky強調：「唔一定係醫生、護士先要企出嚟幫手，身為香港人，見到啲年輕人、小朋友，十五、六歲都出嚟（遊行示威），點解我哋有急救牌嘅，都唔出嚟幫手？」
Jacky憶述，曾為一名中了胡椒噴霧的示威者護理，對方當時全身通紅，令他印象深刻。他表示，所有急救物資都是由成員自資，剩餘物資會捐給急救站。
■記者盧藹雯、林熊、周子惇