前日香港政研會係維園草地搞「《希望明天》反暴力音樂會」，大會話到5點有9萬人參加，警方話有2.6萬人，呢個數已即刻俾網民恥笑，因為今年六四維園集會，滿晒維園草地同六個足球場，差人話得6.5萬，如果警察數到一個唔滿草地有近3萬人，咁六四維園集會起碼有10萬人以上！
不過有網民條氣都未順，因為撐警集會真係少人得太離譜，佢竟然好有心機咁將集會高空圖分成六格，逐格數有幾多人，結果六格人數加埋得3,240人，同大會數嘅相差27倍，同「毅進制」都差成8倍，有時建制要呃維穩費，難免作大人數，但真係唔好吹到幾十倍咁大！