【本報訊】逆權運動持續逾兩個月，多位金融界人士支持今日「大三罷」行動，並呼籲大家睇長遠些，為自己的未來、下一代堅決守護香港不變。「（被捕人士）不是為了自己而犧牲，如果我咩都唔做……我對唔住佢哋！」
香港撕裂未見修補，不少港人心灰意冷，甚至萌生「去意」，在本地大型銀行分行工作的Ming（化名）透露，日前有打政府工的客戶要求兌換大量英鎊，「佢話要去英國睇樓，準備移民」，類似情況近一星期發生三次。刻下香港令人絕望，她亦直認有移民念頭，但始終不捨仍在堅持的年輕人。
「不公義得咁緊要」
有人認定「不合作運動」是搗亂香港，但Ming卻認為香港成功在於其特殊地位，權利、人權得到保障，「唔係一時三刻唔返工、出唔到門、遲咗一個鐘，或者開唔到舖」，她認為大家要看長遠，「我哋2047嘅時候都係中年……仲要繼續喺呢個香港生活。」
Matthew是另一位走得比較前、少數發聲的保險業內人士，「行到最前線嗰班年輕人都敢為香港付出自己嘅前途……我作為三十幾歲嘅80後，我有咩可以輸？」保險起動的其中一個活躍成員Carol表示，元朗恐襲一幕令她頓時發現「香港不公義得咁緊要」、「真係好明顯和黑社會有聯繫」，並響應今日罷工行動。