【本報訊】配合明日全港三罷，七個地區都會設有集會活動，希望罷工參與者可聚集在一起發表心聲。其中保險業罷工人士將會參與金鐘添馬公園的集會，成員邀請保險界立法會議員陳健波（圖）出席，為他「重奪收成期」。
邀陳金鐘集會
六月中示威浪潮剛捲起時，本身是立法會財委會主席的陳健波，突然向記者大發牢騷，表示自己已上岸，「我生活係冇問題，點解？因為我前半生好努力……最唔忿氣係，我咁辛苦儲咗咁多年錢，好努力先有今時今日，比較安穩嘅生活，我嫖、賭、飲、蕩、吹都唔啱嘅，好基本嘅生活就得，你點解要破壞我生活？𠵱家我收成期吖嘛」。
發起保險業僱員罷工的網民潘先生，因此邀請同業陳健波參與明日的金鐘集會，「與業界朋友一齊討論收成期，我哋好希望幫你重奪你嘅收成期，你嘅收成期，同我哋業界嘅收成期係咪一樣嘅呢？」
潘先生又呼籲保險同業參與罷工：「可能喺香港人眼中，我哋係視金錢如命嘅行業，衰啲講句係保險狗。其實如果香港法治冇晒，我哋行業一班前線專做國內生意，佢哋清楚國內客戶會嚟香港買保險，點解？因為香港完善法治，信任香港法制，但係𠵱家香港政府不斷咁斷送多年來嘅法治，希望你哋放低一日去見客、做生意，捍衞番香港法治，做一日罷工。」