【本報訊】贈人玫瑰，手留餘香。不少良心小店紛紛通過各種渠道或社交媒體平台，發帖支持遊行，將軍澳一間由情侶創業的日台小店，近日無償向年輕人送飯，亦有糖果店派水予遊行人士，甚至不惜犧牲生意罷巿，要求政府回應社會訴求。
將軍澳慧安商場的魚木日台美食，是一對年輕情侶創業僅一年的小店，開業至今只是收支平衡，「純粹係上網見到學生有人開post講，學生因為同家人（政見）問題，被人（家長）斷糧，因要買裝備，所以冇飯食。」老闆娘戴小姐說：「到目前為止，只有七個年約16至19歲的中學生嚟過食飯。無論邊個嚟要求食飯，我哋都唔會過問啲乜。」
食店贈飯予年輕人
至於會否擔心被人呃飲呃食，她補充：「只要佢講想食飯就可以，我冇得諗咁多，有需要就過嚟！」戴小姐透露，有熟客知道其小店贈飯予年輕人的義舉後，有人專程拿現金來給他們，希望小店可以買更多食材，可以做到贈飯給更多年輕人。戴稱：「我唔希望街坊拎錢嚟，我唔想收錢。呢幾日熟客留低嘅現金，將會用嚟買水，到時派畀遊行人士。」
另一間良心小店是在將軍澳新都城二期的味之堂糖果店，老闆楊先生稱，看到學生暑假要在街頭抗爭，感到很可悲，為了略盡綿力，遊行當日會在店門口向遊行人士派水。他承認，區內遊行會令生意受影響，但問題核心來自政府拒絕回應巿民訴求。「影響生意嘅唔係遊行示威，而係政府唔回應市民，導致社會氣氛變得好差，社會氣氛差，市民點有心情去消費？」而8月5日他會響應號召，罷市一天。
■記者林熊、周子惇