【財經專訪】31歲的黃家恒（Kevin）是九龍表行第三代傳人兼總經理，4年前創立Origami Labs，研發以骨傳技術的智能戒指ORII，近半年賣出逾萬隻。創業初期行過不少冤枉路：「諗住打盲人市場，但其實高科技客先係主要目標。呢幾年嘅痛苦經驗，令我學識咗要望返自己，要諗方法令公司成長。」
海外回流的Kevin畢業後加入九龍表行，由前線銷售做起，4年前晉升為總經理後，跟科大同學共同創立Origami Labs，兼職創業受到家族不少壓力：「Daddy以前喺Microsoft工作，都有幾個唔同嘅專利，佢同大伯一直都有challenge我，懷疑個科技唔夠成熟，問過我好多問題。」他形容家族對下一代的要求很高，其後Kevin淡出錶行工作，全力發展ORII。
利用骨傳技術通話
ORII智能戒指透過藍牙接駁手機，用家戴上戒指後，透過骨傳技術，將手指按上耳邊便能接收聲音及通話，初期在Kickstarter預售，共籌得27萬美元。當初Kevin受到失明父親啟發，研發ORII時以失明人士作為主要顧客對象：「初頭target失明嘅顧客，但近半年慢慢學到，呢件產品對高科技顧客有最大用處。」
Kevin指當初想過研發手錶：「音響效果唔理想，最後揀咗做智能戒指。」公司於2017年取得阿里巴巴香港創業者基金融資；2018年底完成A輪融資325萬美元（2,543萬港元），由南豐集團旗下南豐作坊領投。目前true wireless headphone大行其道，ORII如何競爭？Kevin坦言耳機本來是主要競爭對手：「但我哋發現，戒指唔一定要同耳機鬥，手機、耳機及戒指係三樣組合產品，某啲場合可以用戒指去通話或聽訊息，又可以做控制器，同時可以做語音助手，歐洲同美國有三成幾人已經重用語音助手，呢個係我哋最新嘅目標。」
Kevin預計下半年可賣出2萬隻戒指，但他仍未滿意：「初創半年賣1萬隻算係成功故事，但以另一角度去睇，喺美國市場賣到100萬隻，其實都係少過1%嘅人係聽過或試過你嘅產品。」
記者：陳新政