民間發起明天「8.5大罷工」，城中不少人參與響應。吳啟明因不滿7.21元朗恐襲，白衣人無差別打人，警方未有保護巿民，他在上環開設的餐廳「慢煮兩餐」決定繼6月12日後，明天再度響應罷巿。而他做顧問、位於中環的新餐廳「Around Wellington」剛剛開業，撞正早前中西區多次示威後爆發警民衝突，該店也曾出手幫助示威者。
歡迎示威者歇息
吳啟明當年在劇集《大時代》中扮演「丁旺蟹」，與扮演「丁孝蟹」的邵仲衡老友鬼鬼。邵仲衡前晚到中環抽空探訪吳啟明的新餐廳，看到餐廳的落地玻璃門貼上彩色memo紙，頓時變成「連儂門」，邵仲衡細看memo上的打氣留言，之後他拿起筆寫下「HKER一個不能少」，再貼在「連儂門」上，為香港人打氣。
邵仲衡其後隨吳啟明進入店內參觀，店中當眼位置更有大板寫上「Free water refill和iPhone叉電。We are Hong Kong，香港加油。」港島西今天也有遊行，吳啟明表示歡迎示威者在有需要時到餐廳歇息及喝水，身體力行大力支持。至於會否支持明天罷工，邵仲衡表示：「夏日炎炎正好去海灘，游吓水，舒展吓。」
「講道理嘅人好少」
逆權運動令社會撕裂，不過身為生意人的吳啟明有良知，未有抱怨個多月的示威遊行影響生意，吳啟明有感而發說：「總括嚟講𠵱家係乜嘢之爭，一方面係既得利益者同當權者，另一方面係良心同公義者。講深層次啲，身邊人不論係親人、子女、愛人或疏遠啲嘅朋友，其實同你講道理嘅人非常之少，淨係同你講錢，朋友兄弟間講錢，國家與國之間，中美貿易戰又係講錢，邊個同你講道理吖!」
採訪、攝影：楊定