【本報訊】因在富寧花園商場店面張貼反送中及抗議警黑勾結標語，遭警方以懷疑藏有攻擊性武器為由搜店的裝修公司東主球叔，今日會與15歲兒子在巴士站派水，並會將店舖化身為臨時休息站，希望為社會公義發聲。
店舖化身休息站
現年60歲的球叔，在富寧花園商場開舖八年，主要承接家居及公司的設計及裝修工程，但搵食之餘亦不忘參與社會運動，他指自從30年前發生六四事件後，每年必到維園參加集會，後來的佔中及反送中運動，人群中亦必有他們一家三口的身影。今年6月3日起，球叔在店舖櫥窗貼出牢記六四字條，又在6.12事件後在店門口掛出公告「拒接警察生意」以示抗議，惹來建制派支持者非議，甚至被不明人士撕紙，要加裝閉路電視監察。
上月中開始，一連10日球叔在店門口擺放杯麵、雞蛋、生果及電話卡等，供有需要的年輕人取用，結果招致他人惡意攻擊，並惹來重案組人員上門搜查。
球叔指：「我咁做係因為好多青少年冇經濟能力，如果佢哋同家人意見不合，政見唔一樣，佢哋嘅經濟來源會冇咗，可能面對連電話都冇得打，夜麻麻返嚟又冇嘢食，我放喺門口，有需要可以自己攞去。」
連串事件令該店屢遭人造謠抹黑，球叔坦承生意僅夠交租，但他無悔作出如此決定。今日將軍澳反送中遊行，他亦會繼續「瞓身」支持，已買數百支水，準備在富寧花園商場門口的巴士站派發，舖頭則改做臨時休息站，「任何一個人可以嚟叉電、飲水、唞凉，如有需要，全日都歡迎佢哋過嚟」。
■記者林熊、周子惇