江美儀、張可頤和謝君豪昨日在新蒲崗綵排舞台劇《但願人長久》，當中江美儀和張可頤分別要在戲中掌摑周漢寧、黃慶堯和邱福永三位年輕演員。江美儀表示要演出掌摑戲壓力頗大，為免對方受傷更要剪短指甲，她說：「打嘅時候盡量用手指打，不過上到舞台一定係真打，冇得扮。」又透露以前初入行亦拍過掌摑戲份，因經驗少不懂得留力，導致對手李麗珍面上留下幾條手指痕，她說：「真係好內疚，不停講對唔住。」江美儀稱現在每日綵排都會「萬歲」請拍檔飲下午茶，她笑說：「佢鍾意食乜都請佢食，陰功囉，人哋個仔日日畀我咁打法。」
張可頤同樣表示掌摑戲壓力很大，她說：「我拍咁耐戲最擔心就係兩樣嘢，一係開槍，二係打人，真係好大壓力，𠵱家練習點樣打向腮骨位，避重就輕。」
採訪：曹家誠
攝影：陳慧安
