【娛樂人物】正當香港處於前所未有混亂的環境，不少娛樂圈人為求獨善其身，選擇封嘴，不過商台DJ阿檸（薛晉寧）卻勇於在這個時候搞棟篤笑，公然將忌諱的話題擺上舞台。何來的敢言勇氣？阿檸直言發表意見說真話無需勇氣，相反只有講大話才需要莫大勇氣去承擔之後的惡果。
撰文：曹家誠
攝影：林賓尼
阿檸本身在商台主持《毒檸王國》，他的節目原先服務一眾「毒男」聽眾，話題離不開談動漫講女神，跟政治可謂完全扯不上關係。但正正因為現在香港處於最壞的時代，「反送中」運動令社會再度陷入嚴重撕裂，無論你是屬於哪一方立場的人，皆會無差別地捲入這次漩渦，即使你或高呼不要政治，但因政治而起的問題亦會找上門，因為政治從來跟生活就是息息相關。所以從上月底開始，阿檸正進行棟篤笑演出，替大家包括特首林鄭月娥在內，提供一些廉價忠告或意見，試試可否解決當前困局。
做人毋須中立
何以大膽在這個時候選擇開騷發聲？阿檸日前在商台接受訪問時說：「喺香港要發表意見係唔需要勇氣，只有講大話先需要勇氣，因為大話係一個滾雪球嘅過程，你必須要有強大嘅勇氣先可以滾落去。我份人真係冇乜勇氣，事關講真話要負嘅責任比講大話少得多。」阿檸坦言暢所欲言背後的代價，就是不停收到跟自己意見對立聽眾的私訊「問候」，不過他卻不以為然：「佢哋眼中有立場就覺得我偏頗，聽眾唔知道新聞需要中立，但DJ係唔需要中立，節目需要中立，但做人係唔需要中立，喺節目入面我有權利去發表主持人嘅睇法同立場。」
忘記服務市民
言論自由一直是大家所擁有及拚命維護的權利，阿檸坦言：「呢個電台都有藍色同黃色，我哋要捍衞嘅就係聲音多元化，大家都要尊重，即使我屋企乜顏色都有，我都有好多屋企人同朋友係警察，佢哋會討論警察到底應唔應該中立，應唔應該開槍。」很多人討論如何可以在大是大非的情況下保持中立，阿檸聞言有此建議：「其實好簡單，你試吓將佢擺喺當日沙田新城市廣場中庭，又或者7.21晚開入元朗嘅西鐵上面先，其實係因為你冇經歷過先至可以話繼續中立箒。」除了政治困局，現時的警民關係更是史無前例的緊張，阿檸直言比男女關係更為複雜：「警民中間原來有個第三者，就係政府，警察話係收order做嘢，淨係向直屬上司交代，慢慢佢哋唔記得咗要服務嘅其實係市民，佢哋變成咗磨心。」
林生關心林鄭？
不少人認為事件源頭正正是林鄭月娥，阿檸稱：「我覺得社會撕裂嘅源頭，係有人首先喺屋企度撕裂咗，你諗吓林生咁耐以嚟有冇真正關心過林太？佢一路都係話『好支持林太！』喂！有冇人會咁樣嗌自己老婆㗎？你會唔會咁樣講嘢呀？所以我哋正視番呢個問題，林太究竟喺屋企得到過啲乜待遇？有乜問題喺兩公婆之間衍生咗？否則冇理由一個女人仔會搞到咁多嘢出嚟。」阿檸的建議是否廉價由各人自行判斷，事實上現況越混亂環境越惡劣下，卻反而最容易看到光明和美麗的事。