上季効力港超冠軍大埔嘅歐陽耀冲，球季完結後原本想去南韓次級聯賽發展，但未能如願，前晚即加盟升班馬標準流浪，呢位30歲嘅前港足中場噚日隨流浪收操後講，佢需要加盟有機會上陣嘅球會，以表現嚟證明仍有能力同價值，咁啱同流浪總監李輝立接洽，一拍即合，咪決定留港再逐足球夢。流浪教練黃展鴻就好高興自南華後再同「歐冲」合作。