祖雲達斯前鋒保羅戴巴拿，日前向曼聯表明，只要畀得起35萬鎊（約350萬港元）嘅周薪，就願意加盟紅魔，呢個人工雖然唔及阿歷斯山齊士咁高，但都位列英超第二高。戴巴拿噚日已經返咗都靈，向祖雲達斯報到，兼同新帥沙利傾未來去向，佢亦知道自己下季喺球會並非主力，所以願意開綠燈轉投曼聯，同盧卡古互換東家。