【本報訊】中原集團主席施永青創辦的《AM730》，去年蝕過千萬元，為近十年來首次。據悉除了高層要減薪，施永青聯同這份免費報章、中原地產及利嘉閣等共投資過億元，推出搵樓網上平台House730，容許業主放盤、買家或租客搵盤，平台則收取放盤費，不局限於由地產代理經手，並提供《AM730》地產資訊，預計最快12個月後能賺錢。
施永青透露，由於廣告收入減少，《AM730》去年起開始蝕錢，故已進行重整成本架構，爭取下半年能重新賺錢，並維持公司傳統，把三分一盈利與員工分享。施永青坦言，有閃過念頭不再經營免費報，「始終要賺錢先有得做，你估有人贊助咩？賺錢（媒體）先有獨立性。」不過，憑過往十年滾存累計盈利，即使今年下半年財務表現未符合預期，仍能最少「頂住」兩至三年，不考慮賣盤。
推搵樓網上平台
他強調House730是轉型的一部份，但《AM730》仍然會維持實體發行，不會有任何改動。House730目前已推出網站及應用程式，免費提供盤源資訊及地產新聞。施永青指，收入來源主要來自業主或代理放盤的廣告費，長遠計冀吸引地產商落廣告。該網站仍在試行，其中一大特色是放盤標準較寬鬆，而且歡迎所有代理放盤，尤其是來自中小型代理的盤源，「呢樣係中原搵樓平台欠奉。」目前計劃首半年免收放盤費用，以帶動網站瀏覽量。