剛以5:3擊敗費倫巴治，攞到奧迪盃季軍嘅皇家馬德里，陣中冇隨軍嘅加里夫巴利（小圖），被西班牙傳媒拍到休養期間走咗去打高爾夫球，懷疑詐病，嗰陣正係皇馬同熱刺踢緊四強戰嘅時候。教練施丹知道後嘅回應係：「我冇睇過張相，但巴利已係成年人，我唔會阻止佢做任何事，可能佢有自己嘅理由。」佢經理人解釋巴利只想放鬆吓。