【本報訊】8.5全港大罷工勢在必行，響應者越來越廣泛。最少44位Youtuber昨聯署表示，當日放下工作；亦有最少100商戶預告當日罷市。藝人何韻詩呼籲，香港人已無退路，「八月五號，我懇請大家，為年輕人，站出來」。
44港YouTuber響應
44位香港YouTuber昨發表聯署聲明，表示由於香港病情嚴重，他們將於8月5日放下工作，響應市民發起的三罷行動，「當日我自己唔會開工，我嘅員工亦都唔需要幫我做嘢，希望睇到呢個貼文嘅觀眾，亦都會一齊支持參與呢個行動」。加入聯署的Youtuber包括杜汶澤的喱騷、啱Channel、Jason（大J）及屎萊姆等等。
響應罷市的商戶亦陸續增加，至昨晚9時，已有過百家商戶表示下周一罷市。其中「塔羅占卜師 Kate：Fortuna Message」發出通告，表示原定預約8月5日的客人需要改期，當日會關店罷工一天。Kate表示：「是呀，工作很重要，飯碗很緊要，我少開一日工，當然也會有收入上的損失；但是，眼前有很多年輕人，甘願面對十年牢獄風險，去嘗試為香港爭取些甚麼，而他們現在，只是想請我們，罷工一天響應而已。」她說近期收到不少叫她「做占卜師就講返啲情情塔塔野咪算囉！」或者「死港女唔好咁多嗲啦！」之類的訊息，甚至更具惡意的訊息，但「不要緊，我也不想花精神力氣去反駁，已經到了水深火熱的時候，尚有力氣的話，能夠做的，不如一起做一做吧」。
藝人何韻詩亦在fb發表了一封「致親愛的香港人」的信，呼籲大家為了年輕人，8月5日站出來。內文說：「如果你認為，你無本錢罷工，無本錢為抗爭犧牲一日嘅人工，無本錢無咗份工，請你今晚臨訓（瞓）前，靜一靜，諗一諗：難道年輕人，就有附上自己前途的本錢、無咗幾年甚至十年光陰嘅本錢？」
「一份工，真係無咗，可以再搵；但一個家，無咗，可以去邊度搵返？抗爭中每一位都係我哋嘅屋企人。為咗無私付出嘅每一位兄弟姐妹，你又願意付出幾多？」何續說：「大人們，如果唔想佢地（哋）再受傷、被捕，唔單單係諗點樣幫佢地（哋）買飯券買裝備捐錢，而係諗，作為支持呢個抗爭嘅你，作為主張和理非嘅你，有咩可以做但又未去到盡？當遊行已經失去效用，罷工、罷交稅就係下一步，就係𠵱家。」