夏日求驗客：油王現身睇車仔新星發威

車路士禮拜三喺奧地利踢友賽作客以5:3擊敗薩爾斯堡。呢場波嘅亮點除咗係基斯甸普列錫開齋，同埋柏度洛迪古斯施展蠍子擺尾士哥外，就係班主阿巴莫域治居然有嚟捧場。領隊林柏特就話好開心可以見到老闆做座上客，仲話知道佢依然心繫球會。油王對上一次出現喺史丹福橋已經係上年三月，今次現身亦間接打破佢對車仔興趣大減嘅傳聞。