【本報訊】巿民包圍天水圍警署要求警方交代期間，一名指揮官及一名警長的表現備受注目，其中主動走出人群解釋事件的天水圍分區警署助理指揮官麥子強疑不滿有人向他舉中指，竟雙手舉出中指反問：「呢個係乜嘢手勢嚟？」結果引起公憤，事後警署更要拉閘暫避；不過，另一名警長在煙花傷人後，兩度主動走出警署閘外耐心向民眾解釋及慰問，獲現場巿民拍手讚好。
「親民」沙展fb鬧「暴徒」
天水圍分區警署助理指揮官麥子強前晚10時許，主動走出警署外，向包圍警署的巿民解釋為何拘捕兩名涉案青年，他透露自己本已下班，獲悉多輛衝鋒車趕往天秀公園增援後，已趕返警署了解事件，並向現場巿民強調：「點都好啦，都會公平公正咁處理，今時今日（警方）都唔會有特別嘢，點敢有特別嘢係咪？」
由於民情洶湧，有巿民不斷向麥舉中指辱罵，麥子強疑忍不住雙手舉起中指反駁：「呢個係乜嘢手勢嚟？」隨即有巿民還擊：「你係狗嚟！」麥又反唇相譏：「你都係曱甴嚟，如果你話我係狗！」其後他帶同下屬返回警署內及拉閘，改由區議員周永勤斡旋。現場巿民對麥舉中指行為十分不滿，不肯散去。
但另一名「三柴」的行動受在場人士力讚，在煙花射傷巿民後，該名警長沒有防暴裝備，無持警棍主動開閘走出警署外了解，與同袍向現場人士勸說：「盡快離開好冇？」之後再持大聲公語調溫和向在場年輕人提示慢慢行以免受傷，要求巿民讓路予警方搜證時，又冷靜講道理：「我想大家畀少少時間我哋，行番出少少，唔係要唔畀你哋圍，但我哋真係要睇有冇人受傷call白車，我保證唔落閘！」又懂得說「唔該」同「唔好意思」，獲現場巿民拍手稱許，甚至有人稱：「阿Sir你調過警民關係科啦，你好好多呀！」又有女士大叫「阿Sir好靚仔」。不過，該名警長其後被網民「起底」，指他在fb曾表示希望加入「除邪隊」打擊「暴徒」，又責罵記者與議員等。
■記者謝志輝