藝術家Ranee在6月初從港來到溫哥華，同月香港反送中運動越演越烈。這段時間她只能透過不同媒體的網上直播、論壇和香港朋友了解運動發展，說「直頭連覺都冇得瞓，心情同思緒都好複雜，好難用言語形容。聽得最多係做香港人真係好攰，要返工搵食，放工又要抗爭」。
她表示，港人的五大訴求十分清晰，過去一個月由百萬人和平上街遊行、發起聯署和登報等，甚至有人犧牲生命，「和平抗爭冇人理，官逼民反換嚟嘅，係政權同某啲媒體對示威者嘅抹黑，扭曲事實，定性暴動」，強調「沒有暴徒，只有暴政」。
她對警方使用過份武力感到擔憂和憤怒，「打壓新聞採訪同遊行表達意見嘅自由，記者同示威者安全再冇保障，製造呢啲問題嘅人係執法者，喺鏡頭前亦然，相信好多人都睇好心痛」。
多角度了解港社運
Ranee很想為香港做點事，想到社運經常使用小誌及印刷品，認為很適合做一個展覽回應香港反送中運動，於是在兩周內籌辦展覽「自由——Hi！」。
Ranee慨嘆，在港抗爭所面對的風險和壓力越來越大，「我哋好似已經冇退路，只知要捉緊最後一點希望，去發呢場可能係最後嘅夢，但冇人知做啲乜可以撼動到呢個政權，大家乜都試吓盡做」。
展覽陳列幾十件展品，大多是第一手的出版物，包括海報、橫額、標語、小型印刷品等。Ranee希望展品令參觀者對反送中運動有更深和多角度了解，「印刷品係香港社運之中一直出現，利用自主出版去作一個另類嘅抗爭手段，時而幽默時而創新，去抗衡同補充主流傳媒報道以外嘅視覺同訊息，同時係對出版同言論自由嘅捍衞」。
老伯自製連儂牆加入
展覽吸引不少當地人和華人特意前往參觀，亦感謝其他藝術家和朋友不斷分享其作品和香港遊行中收集的印刷品，令展覽內容非常豐富，反應出乎意料的好。
Ranee最深刻是開幕當日，有位參觀者提出很多香港年輕人面對的苦惱，包括兩代不同政見和衝突問題等。亦有一位伯伯帶同自製的流動連儂牆加入展覽，希望盡其一分力，「呢啲都令到本身好無助嘅我，或者出席嘅人都係，得到一點安慰同力量」。未來她仍可能會舉辦第二、三場展覽，甚至更多，地點可能是其他地方或國家。