90後畢業生:反送中凝聚大家

90後畢業生:反送中凝聚大家

【本報訊】香港社運在雨傘革命後停滯不前,惟反送中喚醒了年輕人,團結了海外留學生,凝聚了所有香港人。90後Zest(化名)七年前到溫哥華升學,今年畢業於加拿大卑詩省的英屬哥倫比亞大學(University of British Columbia),現為「思政學陣」發言人。他表示,反送中喚醒很多年輕人抗爭,參與社會運動,「好樂意見到今次香港社運模式進化,由雨傘(革命)後一直沉寂,今次反送中死灰復燃」。

因六四事件關心政治


Zest說,溫哥華港留學生過去凝聚力不強,「身邊好多朋友係香港嚟,但好多都係呢邊有(國)籍,可能覺得畢咗業會留係呢邊,覺得香港未必太關我事」,至少雨傘革命發生時仍有這種想法,惟社會運動沉寂數年,直到早前有加拿大人被中國拘捕,才意識到反送中影響不只是香港人,可以是任何人,「反送中係一個契機,畀海外港留學生凝聚一齊」。

「學生永遠都有新一批出嚟,學生就係新血,一個社會運動係需要源源不絕嘅新血去支持,一齊推進。」

他說,希望成立學生組織滙聚在溫哥華的留學生,喚醒新一代學生抗爭。Zest的政治啟蒙來自八九六四,因中學時期老師堂上講解六四事件,加上通識科培養他多角度和獨立思考,慢慢地了解六四始末。他初中時親身到維園參與六四集會,自此亦開始多關心政治。

「點解講民主都要驚」


他形容「送中」法例是一把雙面刃,「一來對香港好危險,但我哋轉危為機,成為團結香港所有聲音、年輕力量一個契機,喚醒新一代去抗爭」。

Zest沒有加拿大國籍,但家人擔心他因籌辦學生組織,他日回港會影響前途,「好心痛點解係溫哥華咁遠,我都要有咁驚嘅情緒喺度,點解我喺度做啲民主運動要擔驚受怕呢」。

他感嘆,電影《十年》是探討香港十年後的情況,「結果唔使十年,香港已經慢慢實現緊套戲入面所講嘅嘢」。