趣趣地：尼馬涉姦案暫時甩難

巴西聖保羅檢察官辦公室周一表示，由於證據不足，巴西警方已停止調查球星尼馬被指控強姦一案。法新社報道，警方會喺周二將有關決定送交檢方，後者有15日時間對案件再進行評估，最終會由法官作出裁決。效力巴黎聖日耳門嘅尼馬，今年六月初俾巴西女子Najila指控強姦，聲稱事件喺5月15日巴黎一間酒店發生，尼馬否認有關指控，仲喺社交平台上載短片話俾人敲詐。