基斯坦奴朗拿度（C朗）周一返西班牙馬德里，接受《馬卡報》頒發嘅「傳奇獎」，仲同皇家馬德里主席佩雷斯重聚。佢哋喺鏡頭面前充滿笑容，似乎雙方已放下C朗當日離隊時嘅不快。佩雷斯見到C朗笑到見牙唔見眼，但對住夏薩特就笑唔出，事關佢喺同皇馬報到時超重七公斤，曾經大讚夏神可以解決皇馬所有問題嘅佩雷斯，仲話自己只係應施丹要求簽佢。