趣趣地：躁底美斯音樂會講手

巴塞隆拿球星美斯，趁假期完結前帶埋老婆仔女，同埋老友蘇亞雷斯、法比加斯、佐迪艾巴，去西班牙伊比薩島度假，點知夜晚喺一個音樂會，美斯同一名四眼男士發生衝突，事件冇人受傷。至於阿士東維拉隊長基亞利殊，開季前又有負面新聞，周一半夜三點俾人影到喺倫敦一間夜店門外，分別同水晶宮前鋒域咸同埋第二批人嘈交，兩人都要朋友同埋保安隔開，好彩冇郁手郁腳。