本港的逆權運動已持續多時，有人以死控訴政府，生命誠可貴，自然不值得鼓勵。有網友前日將導演鄒凱光在facebook的留言截圖廣傳，內容是他稱自殺人士是「咎由自取」，引來網友攻擊。
灘叔昨日以短訊回覆澄清，此留言是多年前的舊post，疑有人翻舊賬斷章取義：「『咎由自取』自殺係好多年、好多年前嘅post嚟，當時我喺電台做緊節目，同時間好多香港人為情自殺，我覺得呢樣嘢好唔值得，自己條命為咗呢樣嘢唔值得，的確發出過咁嘅聲明。往後日子因為好多人都拎番呢件事出嚟傾，每一次都答番佢哋同埋道歉咗。𠵱家係兩件事嚟嘅，我已經講咗，但係大家淨係拎呢句出嚟，唔拎後面出嚟，因為要攻擊我，就係咁囉。」
另外，有網民指出「自殺的是咎由自取」，是灘叔在兩年前美國樂隊Linkin Park主音Chester Bennington自縊身亡後說的，並非指最近的事件。
採訪︰何永寧