亞視「六合彩之子」蔡國威前晚在網上透露,他乘坐的小巴險被一輛衝紅燈的私家車攔腰撞倒,隨後他接受傳媒訪問時說:「我坐喺小巴左邊單邊位近門口第一個位,小巴駛到去九龍城聯合道嗰陣,突然有部私家車攔腰撞埋嚟。我成個人拋咗出去,撞到塊板,如果小巴煞唔切掣,我一定死梗。」
蔡國威表示小巴內所有人都沒有受傷,不過肇事的私家車就反了車及冒煙:「好多人衝上前去救,我落車之後都有上前睇吓有冇嘢要幫手,原來嗰部車有老有嫩,係一家大細,我見到好嬲好嬲,點解車住一家大細,個司機仲要衝紅燈?好在佢成車人都冇事冇受傷。」
採訪:魯吉