倪匡唔肯驗皮膚癌

倪匡唔肯驗皮膚癌

現年84歲的倪匡上周日在書展講座上忽然自爆疑患皮膚癌,《蘋果》前晚向倪匡了解,他輕鬆地笑說:「我有撻濕疹生咗十幾年,好難醫,最近兩年開始發炎,好討厭,換咗五、六個皮膚醫生都睇唔好,好痛苦,好在生喺髀罅,生喺面度大件事,哈哈哈!」倪匡更笑說:「三個醫生話皮膚癌,醫生好得意,望住我笑:『皮膚癌呀,不過唔使擔心,皮膚癌發展好慢。』佢意思係幾年先死,哈哈哈!佢話電療、化療好痛苦,我話點都唔療,有得佢慢慢發展,我問發展落去會唔會爛穿肚?佢話唔會。」

問到醫生指是皮膚癌是否講笑?倪匡說:「佢係好嚴肅咁講㗎,我會痛、發炎、流膿、流血,𠵱家用治標辦法畀我止痛,唔會痕,唔會發炎惡化。」再三追問真的是皮膚癌?倪匡說:「唔知呀!有四個醫生話癬,我唔肯去check,因為要割一忽去check,如果傷口唔好唔知點算,我有糖尿病徵狀,傷口好難好。」
採訪:皓騫