半生大起大落，自言是「四年級爸爸」的鄧渭然，小五輟學即入行學師做水電，60年代被派到華達片場做電工，那是陳寶珠當紅、楚原做小生的年代，其後學裝修，生意越做越大。「除咗起樓，咩工程都接」。食正80年代香港經濟起飛，客人中既有大學教授，又有黑社會大佬：「以前有好多所謂魚蛋檔（色情架步），喺街拉條電線掛幾個燈膽，就做生意，嗰時啲水電好多都係我包嚟做。」接大小工程，又投資內地食肆，甚至當代理商，包括代理歐洲名牌羅蘭士電視機。
「中國改革開放，嗰時好多人買電器返去大陸，亦好歡迎港商投資」。百足咁多爪，賺到錢就買磚頭，80年代，他先後購入九龍塘和域台和喇沙利道3個近2000呎的豪宅單位給自己和父母，高峯期時連地舖坐擁近十個物業，連同家中七部車，身家豐厚。「嗰時真係揸住Benz去做義工，帶一堆夥計去聖雅各福群會，幫基層家庭裝修」。周遊歐洲洽商代理權，只有小四程度的他英文有限，就請了一個大學生做得力助手，殊不知卻遇人不淑。
遇阿虫學會放下
「嗰時簽咗份英文文件，賠咗好多錢」。變賣物業名車還債，打回原形。「嗰時多得有個銀行朋友教我做債務重組，剩50萬重新開始」。不怕由零開始，最雪上加霜的，反而是一段他眼中的童話婚姻亮起紅燈。「88年移民加拿大，都係為挽救婚姻，可惜到最後佢都係適應唔到嗰邊嘅生活」。前妻家族在香港有名望，在異國談分手，一對子女都跟前妻。「簽紙離婚當天，自己一個人返到屋企，一時諗唔開，就用電線包住自己自殺」。幸好最後一刻有社工朋友趕到勸阻，總算命不該絕。
「2001年回流香港，都係希望搵番佢（前妻），但佢連飯都唔肯同我食，以前係好睇唔開，係阿虫（嚴以敬）教我放低」。因為當年一起在聖雅各福群會做義工而認識，阿虫在中環的畫室又與他樓上樓下，08年金融海嘯，鄧渭然再次觸礁，阿虫那兩句「身在逆境向好望，風雨過後有陽光」，對他是很大的鼓勵。「後來佢畫室加租，我就叫佢搬嚟呢度，佢過身前陳列室都喺我呢度，佢係性情中人，有錢人想請佢食飯佢唔去，寧願同我約埋去大排檔飲啤酒……」
心中富有最重要
千帆過盡，現時家住大澳的他，說財富留不住、妻子兒女也不在身邊，但早已看開：「到我呢個年紀，開心做自己嘅嘢，心中富有最緊要。」72歲仍馬不停蹄，全副武裝權充「捉蝨敢死隊」後沒兩天，他又大清早老遠由大澳的家趕到大埔廣福邨，與Uncle Tom在社區健康中心主持蟲蝨講座。「𠵱家係走勻18區，你請我就嚟，希望做到90歲，培訓多啲接班人就最好」。鄧渭然說早登記成為大體老師，又預立遺囑，將遺產悉數捐給中大醫學院：「唔係留錢而係留福俾後世。」