差佬替補林鄭天堂個留位，膽自大連張建宗都不放在眼內！元朗警區不作為，指揮官拍晒拎住鐵通無差別毆打乘客的白衫鄉黑的膊頭，禮貌周周講「心領」。高調瀆職，無懼「記你老母」。新界北總指揮官霸氣回應，39分鐘少少落差啫，阿蛇做嘢幾時輪到你教！添馬艦撐警集會教人水喉通打仔，元朗指揮官收到，蹺埋對手，警署落閘，手錶唔睇，你個張廢老竟然扮代表出口向市民道歉？何君，又輪到你出場啦，叫個廢老收皮，否則政總殺無赦個片甲不留！老張，生路抑或不生路，自己揀！AO和多個公務員團隊要求獨立調查嗎？照打！打柒棍！元朗警區，自動波靠攏中聯辦新界支部，後者直接下達恐襲指令，民政署高層當時都有在場領教。外號元朗之光的鄧二哥配合操盤，警黑一上一落，元朗站墮入煉獄！何君翌日還自編自導一幕孝子「自掘墳墓」。官警鄉黑大龍鳳成熟運作，狂飆的屍殺列車下一站，輪到老張代表的問責官員！驚就冇出街？張建宗被警黑嚇親？市民喝極唔聽，警黑一鬧明天就下台嗎？論效果，又唔差；如果香港還有明天的話。