【本報訊】誰說年輕人只可以靠父幹上車！地產界網紅新貴Jimmy黑糯米，19歲以10萬元首期上車，十年後換樓一開二，成功換上屯門三房私樓自住及買入一層天水圍私樓收租，現擁4層物業，享受資產升值的成果。他分享自己經驗說，「劏房盤，買住先，當拎張入場券，先有資格參加換樓遊戲！」
19歲儲10萬首期上車
今年39歲的Youtuber Jimmy三個月前拍攝一條關於大埔白石角新盤的「懶人包」，正式成為樓市KOL一份子，Jimmy笑說，「細路嗰時立志，大個咗就會結婚，組織家庭，落地生根，搬出去住。好好彩，19歲去抽居屋，一抽就中！」他當時計算過，若落實購入單位，首期約9萬元，首期連同律師費等雜費約10萬元，費用不大，所以抽中後直接「扑鎚」購入天水圍天富苑一個650呎的單位。
他續指，「那時做文職，打了一年工，每月人工大約1.5萬元，當時我同屋企人住，平時冇乜洗費，容易儲錢，一年要儲10萬元首期都唔算難。但供樓負擔好大，佔人工80%，而且利息甘，嗰陣1999年，息口成10厘，所以買了層樓，都是同屋企住！」
他說，「天富苑居屋升值唔多，百零萬，當時我換樓嗰陣，私樓冇咁貴，嘉湖兩房都係200萬元，我就係靠樓換樓方式，賣咗天富苑後，用那筆錢轉買嘉湖山莊，之後再買慧豐園。我靠升值賺的錢支付新物業首期，用這種方式一開二作分支，增加自己的物業。」
他認為，「年輕人初次上車，除非你出生於富裕家庭，唔係好難一開始就買到Dream House，我覺得二、三線細單位都值得考慮，當樓價升嘅時候，你咪換樓，你拎左張入場券先，咁你先有資格參加換樓的遊戲！」
他舉例說，「屯門菁雋200萬樓下係合理，居住環境，自住的話，單身係ok，但要結婚生小朋友，真係冇可能，但你心態一定係我先拎左入場券，買咗個單位之後，再以樓換樓方式，去將間屋變大，這就是我過往的經歷。」