前政協委員汪明荃一直有留意逆權運動的新聞,上月中她就被發現在《蘋果》Ig專頁,like了兩個關於反送中惡法的貼文,一則是鬧爆林鄭月娥的「母親論」,另一則是外國記者向香港年輕人表示感謝。
《蘋果》前晚在Ig貼出關於大批防暴警察突然衝入西鐵站內追打市民的相片,汪明荃又再默默地留下一個like,網民發現後大讚汪明荃,更把她拿來和肥媽(Maria Cordero)、陳百祥、鍾鎮濤及譚詠麟比較:「阿姐同我哋真係只係立場唔同,佢有良心有人性。」另有網民擔心汪明荃被發現留下like後,會「偷偷取消個like」,所以呼籲:「大家圍內知好啦!呢度講,呢度散,如果唔係阿姐又要偷偷取消個like啦。」
「睇睇吓touch到」
汪明荃昨日回覆傳媒解釋畀like:「我應該係撳錯掣,可能睇睇吓touch到,因為我係唔會評論,唔想引起更多爭論!作為市民,我當然有關心啲人,呢件事全城關注,但我唔會畀評論。」
採訪:皓騫