【本報訊】警方前晚在元朗清場，大批防暴警察晚上於西鐵元朗站出口駐守，圍捕示威者。凌晨時分，多名警員駐守車站出口，要求離站市民出示身份證登記，其間有一名女子不滿男警態度惡劣，要求警員先出示委任證，惟警員稱「冇需要」拒絕，並大聲喝斥該女子。女子忍不住向丈夫哭訴，男警即謂「唔該唔好用你嘅情緒影響我嘅工作」，女子反駁「𠵱家係你嘅情緒影響緊我呀！」
「𠵱家係你嘅情緒影響緊我呀」
網上片段所見，一名中年男子昨晚欲離開西鐵元朗站時，被大批防暴警察阻礙，被問「你做咩行呢度呀」，男子不滿，多次表示「我要返屋企呀」、「我𠵱家返唔到屋企！」隨後有警員示意中年男子上前，再走到行人天橋邊。警員要求搜對方隨身物品，男子即表示「唔好拉住我！」之後他打開背囊，讓警員搜查，方能離開。
而香港大學學生會校園電視拍攝的片段所見，近凌晨時分，警員要求多名離開元朗站人士出示身份證，一名身穿藍衣的女子表示丈夫在對面車上等她，其中一名男警即瞪起雙眼大聲向女子說：「咁又點呀！企喺度！𠵱家警察指你出示身份證呀！企喺度，企喺嗰度呀！」女子不滿警員態度也怒目而視：「唔該你禮貌啲呀。」男警未有理會繼續喝罵，女子見狀拒絕出示身份證。
女子其後見丈夫上前了解，忍不住向他哭訴，在場女警勸喻冷靜，男警也「收火」，但仍繼續指着女子要求出示身份證，「唔該唔好用你嘅情緒影響我嘅工作」，女子聞言即反駁：「𠵱家係你嘅情緒影響緊我呀！」據報最後他們在沒有出示身份證情況下離去。