昔日被寄予厚望嘅英格蘭前鋒史杜列治同韋碧克,兩個所效力過嘅豪門球會,包括英超Big 6中其中5隊。但係史韋近年受傷患困擾,上陣機會唔多,佢哋今夏分別喺利物浦同阿仙奴約滿離隊,但至今仲未搵到新東家。尤其係史杜列治近年喺利浦唔受重用,到今夏約滿離開,佢近期物色新球會摸門釘。早前有傳紐卡素有意斟介史杜列治;亦有傳佢下一站係土耳其特拉布宗,睇吓佢最後花落誰家。