【本報訊】光復元朗遊行被警方發出反對通知書，縱然如此，市民仍無懼前往元朗。申請人鍾健平聲言會一個人遊行，但同路者眾，昨日元朗街道滿佈市民。壹傳媒創辦人黎智英也現身其中，與數名民主黨人士包括何俊仁、李永達、楊森及單仲偕等人散步。黎表示是要支持市民，並告訴黑社會，「我哋唔怕佢」。公民黨譚文豪昨不斷大聲質問防暴警察，為何在「元朗恐襲」當日不出現，任由黑社會毆打市民，如今人強馬壯。
指警方越反對越混亂
黎智英一行數人昨午抵達元朗，途經大馬路等地，他指昨到元朗是「散吓步，買吓嘢食」，認為不會發生衝突，「𠵱家好平靜、好和平，個個都好友善」。他認為，黑社會是收取金錢才會走出來，「今日（昨日）我估唔會畀錢佢出嚟，啲大佬應該唔會畀錢佢出嚟，所以應該冇衝突㗎喇」。
警方罕有反對元朗遊行，更警告參與遊行是非法集會。黎智英指，市民出來散步不會被檢控，「我哋個個喺度行，冇得話非法集會㗎喎，你唔好去旺角拉人？」他認為，警方越反對，越會造成混亂，但昨日元朗街頭井井有條，「（市民）好守規矩，冇警察好過有警察」。昨日未夠下午4時，他觀察到遊行人士越來越多，更塞爆大馬路，「都好嘅，show（顯示）畀黑社會睇，我哋唔怕佢」。
公民黨譚文豪與楊岳橋昨日亦在元朗大馬路，譚不斷厲聲反問驅趕市民的大批防暴警察，指為何警察如今這麼多人，7.21元朗恐襲當日卻沒有警察保護被黑社會毆打的市民：「你哋去咗邊！你哋咁勁，就唔會星期日冇出現啦。」
■記者伍雅謙