吳岱融日前與太太鍾淑慧在沙巴度假，他潛水時發生意外，要即時入院治療。前晚二人回港，吳岱融步出機場禁區時動作緩慢，明顯不夠中氣，問他目前情況？他說：「我專登唞多兩日先搭飛機，我係嗰啲潛水壓力，可能上水快咗少少，個頭痛到爆炸同埋呼吸困難，嗰陣嘔得好犀利，成個人都行唔到，似孫悟空俾個金剛罩箍住。」
吳岱融續說：「不過醫生話冇大礙，𠵱家係擔心個腦壓嗰下勁得滯，個潛水輔導員即刻撳住我，唔畀我升得太快，如果唔係好易壓到穿，算不幸中之大幸。」他自言玩過三次潛水，但沒有潛水牌，今次意外最大教訓是有鼻塞、傷風也不可以潛水，又指會再去檢查，務求心安理得。
採訪、攝影：吳耀輝、孔志豪、梁繼光