鄭伊健、蘇麗珊和馮允謙昨日在尖沙嘴出席蝙蝠俠活動，自小已很喜歡蝙蝠俠的伊健，笑言小時候都希望自己能成為英雄人物。問有否試過角色扮演？他說：「有，喺上格床飛落嚟，飛到膝頭冇咗忽肉，嗰次好似係同阿哥玩超人怪獸，以前屋企有部衣車，撞埋去成忽肉就冇咗。」
蘇麗珊想進修
伊健表示：「啱啱有好多人畢業，準備開始投入社會做嘢，我想分享吓喺社會做嘢嘅經驗。人係需要有夢想，有啲實踐到，有啲未必，但需要時間同努力去做。我喺實踐夢想嘅過程會遇到困難、唔係太開心嘅嘢，原來有啲人一腔熱血，做完嘢出嚟就好想有夢想，但有啲人磨滅到已經冇夢想，咁樣會好恐懼。我覺得人係需要有夢想，大家笑我『做藝人，你得唔得㗎？』，有啲唔好聽嘅說話，太多喇，假設我飾演聶風，啲人會話『你唔得啦！』，我冇諗過會夢想成真，我會繼續做好自己。」
蘇麗珊自言不是讀演戲出身，故難免有不足的地方，所以想去進修，她說：「我好想跟秋生哥學戲，但佢太忙喇，但我有跟甄詠蓓老師學。」
採訪：黃曉妍
攝影：仇志德