Steven爆出醜聞，連累原本與拍檔關智斌（Kenny）接替許志安的紅館騷也被迫擱置，Kenny前晚在社交網上載短片，他先解釋自己正於布吉為BOYZ演唱會拍宣傳片，之後反問為甚麼只剩他一個？他說：「呢個時候都要同大家講番聲，本來想問Steven了解成件先講，但佢噚晚就突然離開咗呢度，我都聯絡唔到佢。」
Kenny表示不知道如何面對及消化演唱會突然擱置，更眼濕濕多謝fans：「呢個神蹟，係你哋畀我哋，因為你哋不停喺網上集氣，話畀BOYZ開演唱會……我等咗十幾年嘅一個願望、一個夢想……我同大家講一聲最大最大嘅抱歉，因為我哋BOYZ嘅紅館演唱會暫時擱置，我好唔開心亦係一個好大嘅遺憾。」之後他說：「Steven係我好好嘅兄弟，亦係手足，我相信佢會為了自己行為，負番一個男人應有嘅責任。」
撰文︰祖李